މިހާރު އުފެދިގެން މިއުޅޭ ބައިބައިވުންތަކާއި ޚިޔާލުތަފާތުވުންތަކާއި ހެދި އުފެދިފައިވާ ފިތުނައަކީވެސް ހަމަ އަހަރެމެންގެ އެންމެ ބޮޑު ދުޝްމަން ޝައިތާނާގެ ކަންތައްކަމުގައި ޝައިޚް ފަރީދު އަލިއަޅުވާލާފައިވެއެވެ. އަދި ޝައިތާނާގެ އުނދަގޫ ފޯރާނެ އެތައް ގޮތެއްގެ ވާހަކަތައްވެސް ކިޔައިދެއްވިއެވެ. ވަރަށް ފުރިހަމަކަމާއިއެކު ދެއްވި މި ދަރުސްގައި ޝައިޚް ޑިމޮކްރަސީގެ ނުރައްކަލާއި އިސްލާމީ ޝަރީޢަތެއްގެ ފުރިހަމަކަން ކިޔައިދެއްވައި ދީނީ އަދި އެހެނިހެން ބައިބައިވުންތައް ނައްތާލާ އެންމެން އެކަތިގަނޑަކަށްވެ އިސްލާމީ ޝަރީއަތާ އެއްގޮތަށް ދިއުމަށް ގޮވާލާފައިވެއެވެ.
ދަރުސް ނިންމަވައިލެއްވީ ހުރިހާ އެންމެން ހެޔޮ ޢަމަލު ކުރުން ގިނަކޮށް މިހާރު ކަނޑު ފަޅުތަކުން ރިޒްޤު ތަނަވަސްވާނީވެސް އަމަލުތައް އިސްލާހުކުރުމުންކަމަށް ނަސޭހަތްތެރިވެ އަދި މިހާރު މި ޤައުމަށް ކުރިމަތިވެގެންއުޅޭ ބަލިމަޑުކަމުން ސަލާމަތްވުމަށް އެދި ވަރަށް އަސަރުގަދަ ދުޢާއެއް ކުރެއްވުމަށްފަހުއެވެ.
މަޞްދަރު: އެކުލަވާލެވިފައި