ރިޕޯޓުބުނާގޮތުން، ބޮޑު ޓެރަރިސްޓު އޮބާމާގެ ސަރުކާރުންވަނީ ޖޫން މަސް ފެށުނުފަހުން، މަދުވެގެން 18 ޙަމަލާ ދީފައެވެ. އެމީހުންގެ ދަޢުވާއަކީ ޢަރަބި ޖަޒީރާގެ އަލްޤައިދާ މުސްލިމު މުޖާހިދުންގެ ބޮޑުން ޤަތުލްކޮށްލުން ކަމުގައިވީނަމަވެސް، ޙަމަލާތަކުގައި ގެއްލުންލިބި ޝަހީދުވެފައިވަނީ ޢާއްމު މުސްލިމު އަޚުންނާއި އުޚްތުންނެވެ. އަދި މުސްލިމު މުޖާހިދުންނަކަށް އެއްވެސް ގެއްލުމެއް މިހާތަނަށް ފޯރައިފައެއް ނުވެއެވެ.
އެމެރިކާ ޑްރޯންތަކުގެ އިތުރުން، އެމެރިކާނުންގެ ގޮނޑިކޮއްކޮ ރައީސް ޞާލިޙުގެ ސިފައިންނާއި ޢަސްކަރީ ވައިގެ އުޅަނދުތަކުންވަނީ، ޖާރަށާއި ރަށްބޭރަށް ޙަމަލާތައް ދީފައެވެ. މިޙަމަލާތައް އަމާޒުކުރެވުނީ 1990 ގެ ފަހުކޮޅުން ފެށިގެން މިއަދާ ހަމައަށް ޞާލިޙުގެ ސަރުކާރާ ދެކޮޅަށް ހަނގުރާމަކުރަމުން އަންނަ ޤާއިދު ޝައިޚް ޚާލިދު ޢަބްދުއްނަބީގެ މުޖާހިދުންނާ ދެކޮޅަށް ކަމުގައި، ޔަމަނުގެ ބައެއް ޚަބަރުތަކުން ބުނަމުންދެއެވެ.
އަބްޔަނުގެ އިސްލާމީ އިމާރާތް އިޢުލާނުކުރި ފަހުން، މިދިޔަ ދެހަފްތާ ތެރޭ އެމެރިކާ އަދި ޞާލިޙުގެ ސިފައިންގެ ޙަމަލާތަކުގެ ސަބަބުން، 200 އަށްވުރެ ގިނަ ކުށެއްނެތް ޢާއްމު ރައްޔިތުން ޤަތުލްވެފައިވާ ކަމުގައި ޚަބަރުތަކުން ބުނެއެވެ.
މަޞްދަރު: އެކުލަވާލެވިފައި