އެމެރިކާ ނޭޓޯ ސިފައިންގެ ޖުމްލަ 37 މީހުން މަރުވެ 13 މީހުން ވަނީ ވަރަށް ބޮޑަށް ޒަޚަމްވެފައިވާކަމަށް މުޖާހިދުންގެ އޮފިޝަލުން ހާމަކުރެއެވެ. އަދި 2 ހެލިކޮޕްޓަރާއި ޖަސޫސީ މަތިންދާބޯއްޓެއްވެސް އެއްކޮށް ހަލާކުކޮށްލިއެވެ. އޭގެ އިތުރުން އެމެރިކާގެ 2 ހަމަލާދޭ ހެލިކޮޕްޓަރަށް އަމާޒުކޮށް މުޖާހިދުން ދިން އިޝްތިޝާދީ ހަމަލާއެއްގައި އެ ދޭތި ގޮއްވާލުމާއިއެކު އިތުރު 19 އަށްވުރެ ގިނަ އެމެރިކާ ސިފައިން މަރުވެ އެތައްބަޔަކު ޒަޚަމްވެފައިވެއެވެ.
މި ހަމަލާތަކަށްފަހު އެސަރަހައްދަށް އެމެރިކާނުން ބޮންއަޅަން ފެށުމުން އާންމު ރައްޔިތުންގެ 4 ގެއެއް އެއްކޮން ބިމާ ހަމަވެ 23 އާންމު ރައްޔިތުން ޝަހީދުވުމާއިއެކު 13 މުޖާހިދުންވެސް ޝަހީދުވެ 10 މީހަކު ޒަޚަމްވެފައި ވެއެވެ. މީގެ ތެރޭގައި 2 އަންހެނުންނާއި ކުޑަކުއްޖަކު ހިމެނެއެވެ. ﷲ ތަޢާލާ މިހުރިހާ އަޚުންނާއި އުޚްތުންނަށް ސުވަރުގޭގެ ދާއިމީ ނިޢުމަތް ދެއްވާފާނދޭވެ.
މަޞްދަރު: އެކުލަވާލެވިފައި
މިލިޔުމަށް ލިބިފައިވާ ޚިޔާލުތައް…
ކުއްފާރުންގެ ހަމަލާއެއްގައި މުސްލިމަކު މަރެއް ނުވާނެ ، މުސްލިމަކުނަމަ ވާނީ ޝަހީދު…….. އަދި ޝަހީދެއްގެ އަޖުރު ލިބޭނެ އެހެން ކަންތަކެއްވެސް ހުރޭ….
ޝަހީދުންގެ ވައްތަރުތައް ޢިލްމުވެރިން 3 ގޮތަކަށް ވިދާާޅުވޭ:
1. ދުނިޔޭގެ އަދި އާޚިރަތުގެ ޝަހީދު، މިއީ ﷲ ގެ މަގުގައި އިޚްލާޞްތެރިކަމާއިއެކު ހަނގުރާމަކޮށް/ ޖިހާދުކޮށް ނުވަތަ ޖިހާދުގެ ޣަޒްވާގައި ފަސްނުއެނބުރި ކުރިމަތިލައިގެންވާ ޙާލު ޝަހީދުވާ މީހުން.
2. ހަމައެކަނި ދުނިޔޭގެ ޝަހީދުން: މިއީ ދުނިޔޭގައި އެހެން ޝަހީދުންނެކޭ އެއްފަދައިން ހަނގުރާމަކޮށް ޤަތުލުވުމުން، ޝަހީދުންނަށް ދޭ އިއްޒަތްތައް، މިސާލަކަށް ނުހިނުވާ ކަށުނަމާދު ނުކުރެވި ޢިއްޒަތުގައި ވަޅުލެވޭ މީހުން. އެހެނަސް…
…އެހެނަސް އާޚިރަތުގައި އޭނާގެ ނިޔަތް ނުވަތަ އެފަދަ އެއްޗެއް ފަސާދަވެގެން ޝަހީދަކަށް ނުވާމީހުން. ޞަޙީޙުލް ބުޚާރީގައި އެންމެ ފުރަތަމަ ހިސާބުބެއްލެވި ނަރަކައަށް އަގަވަތަށް އެއްލާލަވޭ މީހުން ތެރޭ މިފަދަ މީހެން ބަޔާންވެފައިވޭ.
3. ދުނިޔޭގެ ޝަހީދުންނެއް ނޫން އެހެނަސް އާޚިރަތުގެ ޝަހީދުން: މިއީ މިޘާލަކަށް ޤަރަގުވެގެން، ވިހަނިކޮށް ނުވަތަ އިޚްލާޞްތެރިކަމާއިއެކު ﷲ ޙަޟުރަތުން ޝަހީދުވުމަށް ދުޢާކުރާ ޙާލު އެފަދަކަމެއް ވާޞިލުނުވެވި އަދި މިނޫންވެސް މިފަދަ ޙަދީޘުން ޘާބިތު ގޮތްތަކުގައި މަރުވާ މީހުންނެވެ. މިބައިމީހުންނަށް ދުނިޔޭގައި ވަޅުލެވެނީ އެހެނިހެން އާދައިގެ މީހުން ފަދައިންނެވެ. އެހެނަސް އާޚިރަތުގައި ﷲ އެއުރެންނަށް ޝަހީދުގެ ދަރަޖަ ދެއްވައެވެ.
ﷲ އަހަރެމެންނަށް ޝަހާދަތުގެ ނިމުމެއް ދެއްވާށިއެވެ.
މިލިޔުމުގެ ޚިޔާލުތައް އާރް.އެސް.އެސް ފީޑް ކުރައްވާ!