ޢަދާވާތްތެރި މުޝްރިކުންނާ ދެކޮޅަށް އިސްލާމީ ޖިހާދު ކުރެއްވުމަށް ގޮވާލެއްވި، ޝައިޚް އުސާމާ ބިން ލާދިން، އެމެރިކާގެ ޢުދުވާނީ ސިފައިންގެ ޙަމަލާއެއްގައި، ﷲގެ އިޛުނަފުޅާއިއެކު ޝަހާދަތު ޙާޞިލްކޮށްފިއެވެ. (އަހަރެމެންނަކީ ﷲގެ މަޚްލޫޤުންނެވެ. އަދި އަހަރެމެން އެނބުރިދާހުށީ އެއިލާހު ޙަޟްރަތަށެވެ.)

އަފްޣާނިސްތާނުގެ އިސްލާމީ އިމާރާތުން، ޝަހީދުގެ އާއިލާއަށާއި، އެކުގައި މަސައްކަތްކުރެއްވި ބޭކަލުންނަށާއި، ޙައްޤު މަގުގައި ހަނގުރާމަކުރެއްވި މުޖާހިދުންނަށާއި އަދި އިސްލާމީ އުއްމަތަށް، މި ބޮޑު ހިތާމައިގެ ސަބަބުން ފުންކޮށް ތައުޒިޔާ ރައްދުކުރަމެވެ. އަހަރެމެން ﷲގެ ޙަޟްރަތުން އެދެނީ، އެއިލާހުގެ ޙަޟްރަތުގައި، (މި) ޝަހީދުގެ ޤުރުބާނީ ޤަބޫލުކުރެއްވުމަށެވެ. ދީނީ ޖިހާދުގެ ބަރަކާތުގެ އަޘަރާއި އަދި (މި) ޝަހީދުގެ ޝަހާދަތުގެ ސަބަބުން، އިސްލާމީ އުއްމަތުގެ އަޒްމަތުގެ މިޙާލަތުން، ﷲ (މި އުއްމަތް) މިންޖުކުރައްވާށިއެވެ.

ޝަހީދު (އުސާމާ ބިން ލާދިން) ވަނީ ސޯވިއެޓުންގެ ޢުދުވާނާއި ދެކޮޅަށް، އަފްޣާނިސްތާނު ރައްޔިތުންނާއެކު ކޮނޑާއި ކޮނޑު ޖައްސަވައިގެން ހުންނަވާ، ނުހަނު އިޚްލާޞްތެރިކަމާއި ހިއްވަރާއެކު ޖިހާދުކުރެއްވުމުގައި ބައިވެރިވެލައްވާފައެވެ. އިސްލާމީ އުއްމަތުގެ ތާރީޚު އަބަދުވެސް ފަޚުރުވެރިވާނެ ފަދަ އެތައް ޤުރުބާނީތަކެއް މިމަގުގައި ޝައިޚް ވަނީ ދެއްވަވާފައެވެ. ޝައިޚް އުސާމާ ބިން ލާދިން އަކީ، މުސްލިމުންގެ ފުރަތަމަ ޤިބްލަ، އިސްތިއުމާރު ކުރެވިފައިވާ ފަލަސްޠީނުގެ އަލް-އަޤްޞާ މިސްކިތް، އަނބުރާ ހޯދުމަށްޓަކައި ކުރެވެމުންދާ މަސައްކަތުގައި ޢާއްމުކޮށް އިޢުލާނުކުރައްވަން ނިކުމެވަޑައިގެން ހުންނަވާ އެކަމަށް ހިތުގެ އަޑިން އެދިވަޑައިގެން ހުންނެވި ބޭކަލެކެވެ. ޝައިޚަކީ، އިސްލާމީ ދުނިޔޭގެ ތެރޭގައި ނަޞާރާއިންނާއި ޔަހޫދީން ހިންގަމުންދާ އަނިޔާވެރިކަމާއި ދެކޮޅަށް، ވަރުބަލިފުޅު ވެލެއްވުމެއްނެތި ހަނގުރާމަކުރެއްވި ބޭކަލެކެވެ. އަދި މިމަގުގައި ކުރެވެން އޮތް އެއްވެސް މަސައްކަތެއް ދޫކޮށެއް ނުލައްވައެވެ. އިސްލާމްދީނާއި ދެކޮޅަށް ޢަދާވާތްތެރިވުން އިޙްސާސްކުރެވުނު މި މުޖާހިދުގެ ޙަޔާތަކީ، ވަރުބަލިކަމާއި، ޤުރުބާނީތަކާއި، ބުރަތައް އެކުލެވިގެންވާ ޙަޔާތެކެވެ. އިސްލާމްދީނުގެ ތާރީޚް، އެފަދަ ބޭކަލުންގެ ހަނދާންތައް އަބަދުވެސް ދިރުވާނެއެވެ.

ޖިހާދުގެ މަގަކީ އަދި އިސްލާމްދީން ދިފާޢުކުރުމަށް އޮތް މަގަކީ، ޤުރުބާނީތަކާއި ޝަހީދުވުންތަކުން ފުރިގެންވާ މަގެކެވެ. މިމަގަށް ތަބަޢުވާ އެހެނިހެން މީހުންނެކޭ އެއްފަދައިން، ޝައިޚް އުސާމާ ބިން ލާދިންވެސް އެދިލައްވަމުން ގެންދެވީ ﷲގެ މަގުގައި ޝަހާދުވެލެއްވުމަށެވެ. ޝައިޚްގެ އުއްމީދާއި ހަމައަށް ވާޞިލްވެލެއްވީ، ޝައިޚްގެ ޙަޔާތުގެ އެންމެ ފަހު ވަގުތުތަކުގައިވެސް، ހިއްވަރާއި، އިޚްލާޞްތެރިކަމާއި އަދި އިލްތިޒާމާއި އެކުގައެވެ.

ޝައިޚް އުސާމާ ބިން ލާދިންގެ ޝަހާދަތާއި ވިދިގެން، އަފްޣާނިސްތާނާއި އިސްތިޢުމާރު ކުރެވިފައިވާ އިސްލާމީ ޤައުމުތަކުގެ މުޖާހިދުންގެ ޞަފުތަކުގެ ރޫޙު ގެއްލިގެންދާނެކަމުގެ އުއްމީދުގައި، ޢުދުވާނީ އެމެރިކާނުންނާއި އެމީހުންގެ އެކުވެރީން ވާނަމަ، އެކަމުން އަންގައިދޭނީ އެބައިމީހުންގެ ދެނެގަތުމުގެ ކޮށިކަމެވެ. ޖިހާދުގެ ގަސް އަބަދުވެސް އަންނަނީ ބޮޑުވެ، ފައްކާވެ، ސާފު ލޭ ދިނުމުގެ ސަބަބުން މޭވާ އެޅަމުންނެވެ. ޝަހީދެއްގެ ޝަހާދަތުގެ ސަބަބުން، އެފަދަ އެތައް ސަތޭކަ ބަޔަކަށް، ޝަހީދުވުމާއި ޤުރުބާންވުމުގެ މައިދާނަށް މަގު ދައްކުވައިދެއެވެ.

އަފްޣާނިސްތާނުގައި މިއަދު ކުރެވެމުންދާ ޖިހާދަކީ، އުފެދިގެން އައީ ޢާޢްމުންގެ ތެރެއިންނެވެ. އަދި ތަމްސީލުކޮށްދެނީ ފަޚުރުވެރިވެފައިވާ މީސްތަކުންގެ އުއްމީދުތަކެވެ. ހިއްވަރުގަފަ ފަހުލަވާނުންގެ މި ބިމުގައި، އިސްތިޢުމާރީންގެ އެންމެ އެތިފަހަރެއްގެ ސަބަބުން (އެހެންމީހުންނާމެދު) ރަޙުމް އުފެދި، (އެއަށް ވުރެ އަވަސް އެތިފަހަރެއް) އަނބުރާ ޖެހުމުގެ ރޫޙު އުފައްދައިދެއެވެ. ބަރާއި އަނިޔާވެރިކަމަށް ލެނބޭބައެއް ކަމުގައި މުޖާހިދުންވީނަމަ، ޢަސްކަރީ ގޮތުން ގޮތްދައްކައިގެންނާއި އަދި މިދިޔަ ދިހައަހަރު ތެރޭ އެމެރިކާނުން ދޫކުރި ޝައިޠާނީ ސިއްރު ރޭވުންތަކުންވެސް، އޮޅުވާލެވިދާނެ ގޮތެއް އެބަ އޮތްތޯއެވެ؟ އެކަމަކު ޙަޤީޤަތަކީ، ބާރުގެ ބޭނުންކުރުމުން މިތަނުގައި (އަފްޣާނިސްތާނުގައި) އެއާ އިދިކޮޅަށް ނަތީޖާ ނިކުންނަ ކަމެވެ. މި މަޝްހޫރު ޙަރަކާތް ބުރެކެޓު ކުރެވޭނީ “އެސްފިރީން” އެއްގެ ސިފައިގައެވެ. އެއަށް ފިތާލައިފިނަމަ، ހަމަ އެފަދަ ބާރަކާއެކު ފުއްމައިގެން އާދެއެވެ.

ޝައިޚް އުސާމާ ބިން ލާދިން ޝަހީދުވުމާއި ގުޅިގެން، ޖިހާދުގެ މި ނުރައްކާތެރި ދަނޑިވަޅުގައި، ޢަދުއްވުންނާ ދެކޮޅަށް އަދު މިކުރެވޭ ޖިހާދަށް އައު ހިއްވަރެއް ލިބިގެންދާނެ ކަމަށް، އިސްލާމީ އިމާރާތުން ޤަބޫލުކުރެއެވެ. ޖިހާދުގެ ރާޅުތައް ވަރުގަދަވެ ފުޅާވެގެން ދާނެ ކަމަށެވެ. ﷲގެ އިޛުނަފުޅާއެކު، ކުރިއަށް އޮތްތާގައި، އެކުވެރީންނަށާއި ޢަދުއްވުންނަށް، މިކަން ޘާބިތު ވެގެންދާނެ ކަމަށެވެ.

އިފްޣާނިސްތާނުގެ އިސްލާމީ އިމާރާތުގެ ޝޫރާ މަޖްލިސް

މަޞްދަރު: އަފްޣާނިސްތާނުގެ އިސްލާމީ އިމާރާތުގެ ޚަބަރުތަކުން