އެދުވަހުގެ ހަވީރު މުޖާހިދުން އެއަވަށުގެ ބޭރުސަރަހައްދަށް ނުކުމެ ލައުޑް ސްޕީކަރުތަކުން ގޮނޑިކޮއްކޮ ސިފައިންނާއި އޮފިޝަލުން 24 ގަޑި އިރުތެރޭ އެތަނުން ބޭރުވުމަށް ޢިއުލާން ކުރަމުން ދިޔައެވެ. މީގެ އިތުރުން ބުދަދުވަހު ގިނައަދަދެއްގެ މުޖާހިދުންވަނީ ޔަމަނުގައިވާ އެންމެ ބޮޑު އިޤްތިސާދީ ސަރަހައްދު ކަމުގައިވާ އަދްންއަށް ވަދެ ވަރުގަދަ ހަމަލާތަކެއްދީފައެވެ. ގޮނޑިކޮއްކޮ ސަރުކާރުގެ މަރުކަޒުތަކާއި، ޖާސޫސީ އިދާރާތަކާއި، ޗެކްޕޮއިންޓް ތަކާއި، އަދި އިދާރީ އިމާރާތްތަކަށް ވަނީ ހަމަލާދީފައެވެ.
ހަމަ އެއާއި އެކު ޒިންޖިބާރް އަވަށް ވަށައިގެންވާ އަބްޔަން ގައިވެސް ހަމަލާތައް ގެންދިޔައީ ކުރިއަށެވެ. މިސަރަހައްދަކީ މުޖާހިދުންގެ ބާރުގައި އޮތް ސަރަހައްދެކެވެ. ސަރުކާރު ސިފައިން ދަނީ މިތަން އަބުރާ ލިބޭތޯ މުޖާހިދުންނާއި ހަނގުރާމަ ކުރަމުންނެވެ. މި ހަނގުރާމަ ކުރިއަށްދާތާ މިހާތަނަށް 2 ހަފްތާވަނީ ވެފައެވެ.
ބުރާސްފަތި ދުވަހުވެސް އަދްން ގައި ހަމަލާތައް ކުރިއަށް ގެންދިޔައެވެ. ސަރުކާރުގެ އޮފިޝަލުން ބުނާގޮތުގައި އަލްޤައިދާ އަށް ނިސްބަތްވާ 10 މުޖާހިދުން ވަނީ އަތުލައިގަނެފައެވެ. މިކަމާ ބެހޭ އިތުރު ތަފްސީލެއް ހާމައެއް ނުކުރެއެވެ.
އަދްން އަށް މުޖާހިދުން ހަމަލާ ދިނުމުގެ ސަބަބުން ޔަމަނުގެ ގޮނޑިކޮއްކޮ ސަރުކާރުގެ ޑިފެންސް މިނިސްޓަރ މުޙަންމަދު އަހްމަދު ނަސީރު އެޤައުމުގެ ޤާނޫނީ އިދާރާތަކުން އަދްންގެ މައްޗަށް ބާރު އޮތުމުގެ ޤާބިލްކަމާއި ދޭތެރޭ ކަންބޮޑުވުން ފާޅުކޮށްފައި ވެއެވެ.
ސަރުކާރާއި އިސްވެރީންނާއި މެދު ބޭއްވުނު ބައްދަލުވުމެއްގައި، އަމިއްލަ ސަލާމަތް ހޯދުމަށް އެންމެން އެއްބައިވުމަށް އޭނާ ބާރުއަޅާ ގޮވާލިއެވެ.
ބުރާސްފަތި ދުވަހު މުޖާހިދުންވަނީ ލަހްޖް ޕުރޮވިންސްގެ އެހެން އަވަށެއް ކަމުގައިވާ މަސަމީރު އަށްވެސް ހަމަލާ ތަކެއްދީފައެވެ. މިހަމަލާތަކަށްފަހު މުޖާހިދުން، އެއަވަށުގެ ސިފައިންގެ މަރުކަޒުތަކާއި، ޖާސޫސޫސީ އިދާރާތަކާއި، އިދާރީ މުއައްސަސާތައް އެމީހުންގެ ބާރުދަށަށް ގެނައެވެ. އޭގެ ބަދަލުގައި ސަރުކާރުގެ ސިފައިން ދިން ހަމަލާތަކަށްފަހު މުޖާހިދުން ވަނީ ސަރުކާރުގެ ސިފައިންގެ ހަތިޔާރުތައް ޣަނީމަކޮށްގެން ފައިބާފައެވެ.
މިހާރު ހަނގުރާމަ ކުރަމުންދާ ސަރަހައްދު ތަކަކީ އަދްން، ލަހްޖް އަދި ޔަމަނުގެ އިސްލާމީ އިމާރާތް އަބިޔަންއެވެ.
މަޞްދަރު: އެކުލަވާލެވިފައި
މިލިޔުމަށް ލިބިފައިވާ ޚިޔާލުތައް…
މިލިޔުމުގެ ޚިޔާލުތައް އާރް.އެސް.އެސް ފީޑް ކުރައްވާ!