ޞާލިޙުގެ ސަރުކާރުން ދެކޭގޮތުގައި، މުޖާހިދުންނަށް މި ބަނދަރު ލިބުމުގެ ސަބަބުން، އަލްޤައިދާގެ މުޖާހިދުންނާ ގުޅުމަށްޓަކައި، އެހެނިހެން ޤައުމުތަކުން އަންނަ މުޖާހިދުންނަށް ފަސޭހަވެގެން ދާނެއެވެ. އަދި އެހެންވެއްޖެނަމަ، ގޮނޑިކޮއްކޮ ޢަރަބި ޤައުމުތަކުން ކުފުރުގެ ބާރުތަކާއެކު ކުޅެމުން އަންނަ ކުޅިވަރުތައް ކުޅެން އުނދަގޫވާނެއެވެ.
މީގެ އިތުރުން، މިދިޔަ ބުދަދުވަހު، މުޖާހިދުންވަނީ ޝަބްވާ ސަރަޙައްދުގެ ބޮޑު އަވަށެއްކަމަށްވާ، އަޛާން ވެސް ހިފައިފައެވެ. އަޛާން ހިފުމަށްފަހު، “އަޛާންގެ އަވަށް، އިސްލާމީ އިމާރާތާއި ގުޅިއްޖެ” ކަން “އިޢުލާން” ކުރެވުނެވެ. ޤަބީލާތަކުގެ ބައެއް ބޮޑުންނާއި އަދި ރައްޔިތުން މިކަންވަނީ ފޯނުން ގުޅައިގެން ބައެއް ޚަބަރުފަތުރާ ވަޞީލަތްތަކަށް ޔަޤީންކޮށްދީފައެވެ.
ޤަބީލާތަކުގެ ބޮޑުން ހާމަކުރާގޮތުގައި، މުޖާހިދުން ވަރުގަދަ ޙަމަލާތައް ދީފައިމިވަނީ، ސިޔާސީ ހަލަބޮލިކަން ފެތުރިފައިވުމުން، ސަރުކާރުގެ ގޮނޑިކޮއްކޮ ސިފައިންތައް އެހެނިހެން ބޮޑެތި އަވަށްތަކުން ނެރެގެންގޮސް، ސަނަޢާގައި ބަލިކަށިވެފައި ބޭތިބުމުގެ ސަބަބުންނެވެ.
ސަނަޢާގައި ހަނގުރާމަދަނީ ވަރުގަދަވަމުންނެވެ. އިސްވެ ދިޔަ ހަފްތާތަކުގައި ސަނަޢާގެ ޙަސަބާ ސަރަޙައްދުގައި އެކަނި 115 މީހުންވަނީ މަރުވެފައެވެ. މިއީ ސަނަޢާގައި އެންމެ ވަރުގަދައަށް ބަޑީގެ ޙަމަލާތައް ދެވެމުންދާ ސަރަޙާއްދެވެ. އަނިޔާވެރި ޞާލިޙުކަލޭގެ މިވަގުތު އޮތީ ރިޔާސީ ގަނޑުވަރަށް ދެވުނު ޙަމަލާއެއްގައި ޒަޚަމްވެފައެވެ.
މަޞްދަރު: އެކުލަވާލެވިފައި
މިލިޔުމަށް ލިބިފައިވާ ޚިޔާލުތައް…
މިލިޔުމުގެ ޚިޔާލުތައް އާރް.އެސް.އެސް ފީޑް ކުރައްވާ!