ނުރުހުންތެރިވާ ފަދަ ޤަދަރާއި މެދު ޢަމަލުކުރާނެގޮތް
06
ފެބްރުއަރީ 2010 -
އަޅަކު ނުރުހޭފަދަ ކަމެއް ތަޙައްމަލު ކުރަން ޖެހިއްޖެނަމަ، ތިރީގައިވާ 6
ކަންތައް ކުރަންޖެހޭނެއެވެ.
1- އެއްކައުވަންތަކަން ޤަބޫލުކުރުން: ﷲ ޤަދަރުކުރައްވާ ކޮންމެ ކަމެއް ވާންޖެހޭނެއެވެ. އަދި އެކަލާނގެ ޤަދަރު ނުކުރައްވާ ކަމެއް ނުވާނެއެވެ.
2- ﷲ ތަޢާލާގެ ޢަދުލުވެރިކަން ޤަބޫލުކުރަންޖެހޭނެއެވެ: އަދި ﷲ ގެ ނިންމެވުން އެގޮތަކަށް ހިނގަންޖެހޭނެއެވެ. އަދި އެކަލާނގެ ނިންމެވުމަކީ ޢަދުލުވެރި ނިންމެވުމެވެ.
3- ﷲ ގެ ރަޙްމަތަށް އީމާންވުން: މިކަމާއި ގުޅިގެން އަންނަ އެކަލާނގެ ކޯފާއާއި ޢަޛާބަށްވުރެ، އެކަލާނގެ ރަޙްމަތް ގަދަވެ، އިތުރުވެގެންވެއެވެ.
4- ޙިކުމަތަށް އީމާންވުން: އަދި ތަޤްދީރު ކުރައްވާ ކޮންމެކަމެއް ވެސް ހިނގަނީ އެކަލާނގެ ޙިކުމަތްވަންތަ ކަމުންކަން ޤަބޫލުކުރުމެވެ. އެއްވެސް ސަބަބަކާއި ނުލައި، އެކަލާނގެ އެއްވެސް ކަމެއް އިރާދަނުކުރައްވައެވެ.
5- ﷲ އަށް ޙަމްދުކުރުން: ހަމަކަށަވަރުން ހުރިހާ މަތިވެރި ޙަމްދެއްވަނީ ﷲ އަށެވެ.
6- ﷲ ގެ އަޅުންނަށްވުން: އިންސާނާއަކީ ހަމައެކަނި ﷲ ތަޢާލާގެ އަޅެކެވެ. އޭނާއީ އެކަލާނގެ އަޅާ ކަމުގައިވީތީ އެކަލާނގެ އަމުރުފުޅުތަކާއި ޙުކުމްތައް އޭނާގެ މައްޗަށް ޤާއިމްކުރެވިގެންދާނެއެވެ. އޭނާވަނީ، ﷲ ގެ އަމުރުފުޅާއި ޙުކުމްތަކުގެ ތެރޭގައެވެ. މީގެ ތެރޭގައި ދީނީ ޙުކުމްތައްވެސް ހިމެނެއެވެ.
އަޞްލު: ’އަލްފަވާއިދް‘ އިން ނެގި ތަރުޖަމާ ކުރެވިފައި